Холивудскиот актер Бен Афлек ќе ја репризира улогата на Бетмен во претстојниот филм „The Flash“, а во интервју за Los Angeles Time актерот се осврна на улогата која за првпат ја сними во филмот „Justice League“.
Улогата не беше најдобро прифатена, но и актерот призна дека не се снашол баш најдобро.
„Тоа беше микс од проблеми. Мојот личен живот, разводот, честата отсутност, разликите во плановите за филмот, а потоа и личната трагедија на Зак Снајдер и повторното снимање. Тоа беше најлошото мое искуство. Беше одвратно. Имаше моменти кога одлучив повеќе да не го правам тоа“, изјави Афлек.
Режисерот Снајдер поради смртта на ќерката го напушти проектот, а пристапот на новиот режисер Џос Видон не му дојде баш најдобро на Бен.