Кога се зборува за борците за машко-женските односи, најчесто се спомнуваат припадничките на женскиот пол за да се изедначат со мажите. Ретки се тие мажи кои се борат на страната на жените и сакаат да им помогнат во исполнувањето на нивните цели.
Меѓу тие ретки мажи е славниот англиски актер Бенедикт Камбербач, кој сите го знаеме по улогите на Шерлок Холмс и Доктор Стрејнџ.
Дали сте знаеле дека Бенедикт е еден од ретките актери кои прифаќа улоги само ако неговите колешки примаат иста количина пари како него?
„Живееме во 21 век и сметам дека социјалните поделби се нешто што нè влечат назад во 15 век. Не е важно дали е некој маж или жена, црн или бел. Сите сме човечки суштества и мора да имаме ист третман каде и да се наоѓаме“, објасни актерот чии зборови освои многу женски срца.
Благодарение на неговата иницијатива многу актерки добиваат подобри плати и третмани, па искрено, може Бенедикт да биде прогласен за вистински витез и заштитник на жените.
Освен за рамноправност со жените, актерот многу се вложи во помош за децата и за младите сириски бегалци. Тој е еден од авторите на отвореното писмо до британската влада, објавено во 2015 година во Guardian, а во кое се осврна за проблемите на бегалците и собра повеќе од 150.000 фунти за Save the Children.