Фудбалерот на Тотенхем, Родриго Бентагкур е суспендиран на 7 натпревари и казнет со 100.000 фунти поради изјавата дека „сите Корејци изгледаат исто“.
Во интервјуто што го даде за уругвајската телевизија во јули, Бентагкур рече дека сите луѓе од Јужна Кореја изгледаат исто.
За тоа сега стигна казната што му ја изрече Фудбалската асоцијација. Водителот на емисијата го праша Бентагкур дали може да му го набави дресот на Сон Хјон-мин, на што стигна одговорот:
„На Сони? Може да е и на братучед на Сони, сите изгледаат исто“.
Околу таа изјава започна цела лавина, но Сон по неколку дена на социјалните мрежи напиша дека го прифатил извинувањето на Бентагкур и дека е сигурен дека никогаш намерно нема да каже нешто навредливо.
Дали имал намера или не, тоа не го интересира Фудбалската асоцијација. За прекршување на забраната за навредлив говор, Бентагкур е казнет со суспензија од 7 натпревари, што Тотенхем сигурно ќе се жали.
„Родриго Бентанкур го негираше ова обвинение, но независната регулаторна комисија утврди дека тоа е докажано и ги наметна неговите санкции по сослушувањето“, се вели во соопштението на ФА.
Жалбата не ја одложува казната, но истата не важи за натпреварите кои ги игра Тотенхем во Европа.
27-годишниот фудбалер нема да се врати на премиерлигашките терени до 26 декември, а ќе ги пропушти натпреварите против Манчестер Сити, Ливерпул и Челси, меѓу другите, плус четвртфиналето на Спарс во Лига Купот против Манчестер Јунајтед.
Бентагкур оваа сезона одигра 15 натпревари за Спарс во сите натпреварувања.
