Британската компанија која е позната по производство на луксузни автомобили се наоѓа во многу неповолна ситуација – се обидува да ги задоволи стандардите на традиционалните купувачи, но истовремено се обидува да привлече нови купувачи.
Анализите на Bentley проценија дека околу 40% од богатите купувачи не се заинтересирани за нивните возила, а најголемата причина за овој масивен пад на побарувачката се електричните автомобили.
Истите купувачи кои до пред неколку години се одлучуваа за купување на модел на Bentley, сега се свртеа кон Porsche и Tesla, па од компанијата се надеваат дека ќе успеат да вратат барем дел од купувачите кога ќе ги пуштат во продажба првите електрични автомобили.
Меѓутоа, нив ги загрижува тоа што тие доцнат на пазарот на електрични автомобили, бидејќи нивниот прв електричен модел е предвидено да се појави на пазарот дури за 5, можеби и повеќе години.
Причината за одложувањето е едноставна: од Bentley сметаат дека денешната технологија на батериите ја лимитира автономијата и перформансите на нивните автомобили.
Иако популарноста на Tesla Model X и добрите критики кои ги добија неодамна претставените Rivian F1T и R1S SUV покажаа дека солидната автономија е возможна и кај поголемите автомобили, но од Bentley сепак сметаат дека дометот од 475 километри не е доволен, туку ја поставуваат целта на околу 650 километри.
