Францускиот напаѓач во последните неколку години е неизоставен дел од првиот тим на Реал Мадрид, па очекувано, и тој беше награден со нов договор, исто како и голем дел од неговите колеги.
Карим Бензема потпиша нов договор со тимот на Реал Мадрид, само неколку дена откако беше промовиран како еден од капитените на тимот.
Договорот предвидува соработка помеѓу напаѓачот и клубот до 2021 година, а годишната плата на Бензема ќе изнесува 7,5 милиони евра.
Реал Мадрид се претпазливи и не сакаат да го загубат Бензема по било која цена, па затоа во договорот е пропишана и клаузула во висина од една милијарда евра доколку некој клуб сака да го купи французинот.
