Сопственикот на фудбалскиот клуб Милан и на компанијата Fininvest, Силвио Берлускони, добил само дел од втората рата од 100 милиони евра од групацијата Sino-Europe Sports која сака да го купи клубот.
Продажбата на Милан „виси во воздух“ откако Берлускони добил само 20 од вкупно 100 милиони евра што SES треба да ги исплати неделава.
Тој и неговата компанија се подготвени да го продолжат рокот за финализирање на продажбата на клубот, само ако SES ги уплати преостанатите 80 милиони евра до утре.
Шефот на SES Јонгхонг Ли се обратил до две банки за да ги собере средствата, а досега уплатил само 20 милиони евра.
Кинеската компанија претходно уплати 100 милиони евра, а до 7 април треба да уплати вкупно 360 милиони евра за да го купи Милан.