Берман го искрши болидот на првиот тренинг

Со слободните тренинзи во „Алберт Парк“ во Мелбурн започна новата сезона во Формула 1. Најбрзи беа Ландо Норис на првиот и Шарл Леклер на вториот тренинг.

Стартот на сезоната го обележа инцидентот на новиот возач на Хас, Оливер Берман. Тој направи почетничка грешка во десеттиот свиок и го искрши својот болид. За среќа возачот мина без повреди.

Првиот тренинг му припадна на Норис со 1:17.252 минути. Одлични беа возачите на Вилијамс, Саинс заврши втор, а Албон на шестото место. Луис Хамилтон во Ферари првиот тренинг го финишираше на 12-тото ;место.

Вториот тренинг му припадна на Леклер (1:16.439 минути) пред возачите на Мекларен, Пјастри и Норис, изненади Јуки Цунода со четвртото место, а Хамилтон беше петти.

Берман го пропушти тренингот, во неговиот Хас е ставен нов мотор и нов менувач.