Вредноста на акциите на азиските берзи петти ден по ред опаѓа, исто како и останатите најголеми берзи во светот.
Ова е најголема неделна загуба од финансиската криза во 2008 година, поради стравувањата од економската штета од ширење на новиот корона вирус.
Индексот MSCI на азиско-пацифичките берзи забележа пад од 2,7 отсто.
На берзата во Токио индексот Nikei се намали за повеќе од четири отсто додека цената на берзите во Хонгконг, Јужна Кореа, Сингапур, Австралија и Шангај паднаа помеѓу 2,4 и 4,5 проценти.
Азиските берзи го пратат вчерашниот пад на Dow Jones и S&P 500 индексот на Волстрит, шести ден по ред и тоа за повеќе од четири отсто.
Индексот S&P 500 по шестдневниот пад, сега е околу 12 отсто под својот рекорд, достигнат 19 февруари.
Сите индекси на Волстрит се на пат на најголема неделна загуба од финансиската криза во 2008 година.
Од почетокот на неделата индексот MSCI на сите светски берзи падна за 9,3 проценти, а таков пад не е забележан од ноември 2008 година.
