Профилите RICH KIDS OF... го преплавија Instagram, а меѓу најпосетуваните и најконтроверзните е профилот на децата на богаташите од Истанбул кои се фалат со луксузи што им ги овозможуваат нивните богати родители.
Бесни автомобили, брендирана облека и накит, па дури и круни и тијари што ги носат во нивниот најобичен ден додека се возат низ град, се дел од луксузите што може да ги видите на фотографиите на Instagram профилот Rich Kids of Istanbul што го следат повеќе од 12.000 луѓе.
Покрај скапите автомобили и облека, богатите деца од Истанбул имаат и егзотични миленици како алигатори, тигри, змии и слично, кои покрај нив исто така живеат луксузен живот „на висока нога“.
Не им недостигаат ни приватни хеликоптери и авиони, а се фотографираат во нивните многубројни куќи, станови, вили, апаратмани и хотелски соби. Некои од нив се фалат и со златни пиштоли.