Пензионираните жители на скопската општина Центар добиваат бесплатни стоматолошки услуги.
„Сите пензионери добиваат бесплатни стоматолошки услуги во Центар. На денешната средба со возрасните центарци во пензионерскиот клуб 'Корчагин' информирав дека обезбедуваме бесплатни стоматолошки услуги“, соопшти градоначалникот на Општина Центар, Горан Герасимовски.
Тој информира дека сите заинтересирани пензионери можат да закажат бесплатен стоматолошки преглед на телефонскиот број 071/223-320, секој работен ден во период од 8:00 до 14:00 часот.
„Редовните посети на стоматолог не се само навика, туку и неопходност за секој пензионер кој сака да живее квалитетно“, додаде градоначалникот.
