Емитувањето на првата сезона од продолжението на култната серија Beverly Hills предизвика измешани и поделени мислења на публиката.
Љубителите на култната серија од 90-тите конечно имаа можност повторно да ги евоцираат спомените од пред повеќе од дваесетина години по емитувањето на првата сезона од новата сезона на популарната BH90210. Деветнаесет години по прекинувањето на серијата, истите глумци, прилично остарени, се собраа да пробаат една нова авантура. Но, без Лук Пери, кој почина во март годинава од мозочен удар.
Сепак, приказната разочара многумина бидејќи всушност не се работи за класично продолжение, туку мешање на реалноста и фикцијата. Актерите не ги глумат ликовите од оригиналната серија туку се глумат самите себе. На пример, Шенон Доерти не е Бренда Волш туку е Шенон Доерти, но не вистинската Шенон туку некоја друга со ист лик и исто име и презиме.
Тоа предизвика забуна кај многумина кои гледајќи ги глумците всушност ги гледаат омилените ликови како Кели, Брендон, Дона, Стив, а сепак тоа не се тие.
Лажната реалност во која актерите се глумат себеси е толку чудна што гледачите не знаат што гледаат. На пример, Брајан Остин Грин се глуми себеси наместо Дејвид, но наместо да е оженет за Меган Фокс, како што е во вистинскиот живот, тој во серијата е оженет за измислената R&B ѕвезда Шеј.
На страна што серијата не знае што публиката сака, се чини дека не се знае ни што навистина е. Недостасува хумор за да биде комедија како што и е најавена.
Ликовите се копија на Мет ЛеБланк во Episodes каде ѕвездата на Friends се глуми самиот себе, но во фиктивна реалност.
Се чини Fox непотребно го искомплицира продолжението кои можеше да биде хит доколку сѐ беше по старо. Ако е некаква утеха, барем најавната шпица ги оправда очекувањата.
Дали би ја гледале новата сезона и доколку веќе ја погледнавте, кое е вашето мислење?