Стаклата во канцеларијата на најбогатиот човек во светот можат да издржат напад од автоматска пушка, пишува Business Insider.
Првиот човек на Amazon и најбогатиот човек на планетата, Џеф Безос годинава поставил непробојни плочи отпорни на куршуми. Вградените стаклени влакна можат да издржат рафални истрели од воена автоматска пушка, а нивното вградување чини 180.000 долари.
Минатата година, Amazon потроши 1,6 милиони долари за неговото обезбедување. Во последните месеци Џеф Безос се соочува со специфични закани за неговата безбедност. Неодамна, National Enquirer објави фотографии од Безос и Лорен Санчез, поранешна ТВ водителка, тврдејќи дека се во врска иако и двајцата тогаш беа во брак.
Безос и Санчез беа следени 4 месеци, беа фотографирани тајно во различни околности, а весникот објави и пораки кои Безос ги испраќал на Санчез. Потоа, Безос го ангажираше Гевин де Бекер, директорот за безбедност на Amazon, да истражи како дошло до истекување на информации. Де Бекер изјави дека зад тоа стои Саудиска Арабија, бидејќи Безос е сопственик на Washington Post.
„Саудиската влада има намера да му наштети на Џеф Безос од минатиот октомври, кога весникот почна неуморно да го следи убиството на Џамал Кашоги“, порача тогаш Де Бекер.