„Совршено злосторство“ – вака француските медиуми го опишуваат случајот со бездомникот кој исчезнал со 300.000 евра од аеродромот Шарл де Гол.
Се започнало кога бездомникот претурајќи по кантите со смет на аеродромот, забележал дека е отворена вратата од канцеларија на компанијата Лумис, која е задолжена за транспорт на пари до и од аеродромот. Кога влегол внатре, пронашол две вреќи полни со пари. Набргу потоа човекот исчезнал од аеродромот со двете вреќи полни пари, оставајќи ја зад себе својата излитена вреќа во која ги носел своите работи.
Прв сторијата за кражбата ја објавил францускиот весник „Le Parisien“, нарекувајќи со случајот „совршено злосторство“.
Полицијата трага по педесетгодишен маж, кого наводно го идентификувала аеродромската полиција.
„На почетокот мислевме дека е некоја местенка, но изгледа станува збор за „чиста среќа“. Ова е навистина неверојатно“, вели зивор од полицијата во изјава за агенцијата Франс прес.
