Изминативе неколку години, главниот извршен директор на Amazon Џеф Безос одржуваше ексклузивен настан за кој покани добиваа само милијардери, астронаути и експерти за роботика кои се дружеа и муабетеа за иднината на технолошкиот свет додека грицкаа скапи ордевери.
Сега годишниот настан се претвора во јавна конференција на која ќе се присвои оптимистичка визија за научните откритија и ќе содржи работилници, говори и демо презентации за истражување на вселената и напредување во вештачката интелигенција.
„Сега сме на почетокот на златното доба за вештачката интелигенција“, вели Безос во соопштението за медиумите.
„Неодамнешните откритија веќе доведоа до изуми што претходно постоеја само во научната фантастика, ова е само почетокот на она што може да го направиме.“
Новиот настан, отворен за јавноста, ќе се одржи во Лас Вегас од 4 до 7 јуни.
Претходната, полутајна конференција позната како MARS (Machine learning, Automation, Robotics, and Space) и новиот настан, како „продолжение“ на првиот, сега се наречени re:MARS.
Настанот најверојатно ќе биде максимално искористен од Amazon за полирање на сопствената репутација, но ќе има и јасен, практичен бизнис фокус.
Безос вели дека на настанот ќе се спојат „лидери и градители“ за „споделување знаења и разгорување нови идеи за идни иновации“, а во соопштението се вели дека присутните ќе може да научат како вештачката интелигенција може „да ја подобри ефикасноста на бизнисот, да ги олесни операциите и да ја подобри автоматизацијата“.
Не е познато дали други технолошки гиганти кои имаат слични амбиции во полето на вештачката интелигенција, како Google, Facebook и Tencent, би присуствувале на настанот.
Заинтересираните може се пријават ТУКА.
