За време на настапот на The Rooftop во Њујорк, Биби Рекса беше погодена со мобилен телефон во главата поради што од болка падна на сцената.

На Twitter брзо почнаа да кружат видеа на кои се гледа како телефонот лета низ воздухот пред да удри во главата на пејачката. Откако ја удири, Биби падна на подот додека нејзиниот тим се упати кон сцената за да ѝ помогне.
Инцидентот се случи при крајот на настапот, додека пејачката се збогуваше со публиката. Нејзината мајка откри дека Биби добила три конци откако била удирана на настапот.
Исто така, на социјалните мрежи се појави видео на кое се гледаат трепкачките светла на брзата помош на местото на настанот, која ја однесе пејачката во болница.
Се чинеше дека сите добро се забавуваа, додека Биби не се повреди. Добитничката на Греми покани една обожавателка на сцената да ја отпее „I'm Gonna Show You Crazy“ и многумина од присутните рекоа дека тоа била одлична вечер, додека телефонот не ја удрил в глава.
Инаку Биби Рекса е американска пејачка со потекло од Дебар и Гостивар. Покрај американско, поседува и македонско државјанство. Нејзиното вистинско име е Блета Реџа.