Централната библиотека во Хелсинки наречена „Ооди“ е објект вреден 98 милиони евра. Истражувањето покажало дека секој Финец позајмува повеќе од 15 книги годишно.
Финците со читање се борат против различни стравови, пишува Bloomberg, како што се стравот од климатски промени, мигранти, нуклеарно оружје и други теми кои се актуелни ширум Европа.
Библиотеката се наоѓа во центарот на градот. Приземјето се користи за состаноци, има и театар, служи за неформални средби итн.
На вториот кат има 3Д принтери и се одржуваат часови по јазик за мигранти.
Последниот кат е наречен „рај со книги“, има 100 илјади романи кои се на располагање на читателите.
Библиотеката ја посетуваат 10 илјади луѓе секој ден.