Како одговор на високите градби во Њујорк, локалното архитектонско студио Oiio го смисли концептуалниот облакодер што ќе може да се пофали со најголема должина.
Облакодерот наречен Big Bend се свиткува под висок лак и веќе го нарекуваат најдолгата градба на светот.
Концептуалниот потфат на компанијата Oiio со седишта во Њујорк и во Атина, стигна токму на време кога трае трката кој ќе смисли поголем и полуксузен станбен комплекс.
Компаниите што се занимаваат со недвижнини веќе лобираат за усвојување на закон во областа на градежништвото што буквално ќе им овозможи купување на правата на воздухот од соседните градби, а благодарение на тоа ќе може да градат повеќе кули на релативно мали парцели земјиште.
Нацртите покажуваат како Big Bend ќе се протега над луксузните кули јужно од Central Park.
Карактеристични за градбата, покрај лакот на свиткување, се големите прозорци, а архитектите велат дека ако добијат дозвола за градба, тоа ќе биде најпрестижната градба на Менхетн.