Бијонсе ефект: Како галериите добиваат нова млада публика?

Славата продава: тоа е лекцијата што се извлекува од истражувањето што ги опфати најпопуларните уметнички поставки изминатата година.

Во Париз, Бијонсе и Џеј-Зи, во Вашингтон тоа беа Барак и Мишел Обама, а во Лондон посетителите чекаа редици за да ги видат еротските музи на Пабло Пикасо.

Минатата година сјајот на славните, без разлика дали доаѓаше од модниот свет, забавната сфера или историски личности, беше најдобриот начин да се привлече публика во музеите и уметничките галерии.

Во годишното истражување на The Art Newspaper насловено „Art’s Most Popular“ се потврди дека јавноста е најзаинтересирана за имиња што веќе ги знае и препознава.

Исто така, се открива дека Тејт Модерн, националниот музеј на модерна и современа уметност го турна Британскиот музеј од врвот на листата најпосетувани мусеи во Велика Британија за прв пат по девет години. Неговиот успех следи главно благодарение на популарноста на критички пофалената поставка Picasso 1932: Love, Fame, Tragedy.

Истиот ефект беше очигледен во Лувр, во Париз каде одлуката да се организира десетминутна тура посветена на пејачката Бијонсе и нејзиниот сопруг Џеј-Зи кои тука го снимија спотот за синглот „Apeshit“, го зголеми годишниот број на посетители за една четвртина.

Во турата посетителите може да ги видат 17-те уметнички дела прикажани во видеоспотот. Во нив спаѓаат портретот на Афроамериканката Мари Гиљемин Бенуе од 19. век, Крунисувањето на Наполеон (1806-07) на Жак-Луј Давид и „Сплав на медузите“ на Тодор Жерико (1818-19).

Водичот дава кратка историја на делата со што се разјаснува зошто баш тие биле избрани да бидат дел од видеоспотот на популарниот музички пар.

Во Националната галерија на портрети во Смитсонијан во Вашингтон, портретите на Мишел и Барак Обама донесоа еден милион посетители повеќе.

Истражувањето во кое беа опфатени податоци од изминатите 22 години, покажа дека Музејот Викторија и Алберт привлекол рекорден број на посетители – 178.000 повеќе од лани – фокусирајќи се на познати имиња и ликови. Посетителите дојдоа да ги видат поставката „Frida Kahlo: Making Her Self Up“ за познатата мексиканска сликарка, како и изложбата за Вини Пу и за шпанскиот моден дизајнер Кристобал Баленсијага.

Двете најпопуларни поставки во њујоршки Мет во 2018 година беа „Heavenly Bodies: Fashion and the Catholic Imaginations“, изложба во која беа помешани религиска уметност и висока мода (поставката привлече 1,7 милиони посетители) и изложбата „Michelangelo: Divine Draftsman and Designer“.

Со вакви поставки, музеите и галериите привлекуваат нова публика, односно генерации млади луѓе кои сѐ помалку беа заинтересирани за ваков начин на културен живот.

Кон крајот на април, Музејот на дизајн во Лондон ќе ја одбележи 20-годишнината од смртта на режисерот Стенли Кјубрик. На изложбата ќе има различни изложбени простории, тематски поставени според неговите филмови, како „Barry Lyndon“, „2001: A Space Odyssey“, „Full Metal Jacket“, „A Clockwork Orange“, „The Shining“, „Paths of Glory“, „Spartacus“, „Lolita“, „Eyes Wide Shut“ и „Dr Strangelove“.

Додека идеите како турата за Бијонсе во Лувр ги разбранува уметничките кругови со прашањето колку ваквата тура е во корист на уметноста, а колку во насока на непотребен популизам, бројките на крајот на годината покажаа дека можеби е време да се прашаме дали е важно КАКО и ЗОШТО дошле луѓето до музеите и галериите, и да размислиме дека е важно што сепак, дошле.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Како е поврзано пиењето кафе со ракот на дебело црево?

Read more

Во која храна ги има трите минерали најважни за тироидната жлезда?

Read more

Живот

Голем месечен хороскоп за април 2024: Ретрограден Меркур им ги мрси конците на неколку знаци

Read more

Најскапите намирници во светот: Треба да потрошите вистинско богатство за нив

Read more

5 причини зошто треба да го ограничите времето што децата го поминуваат пред екрани

Read more

Потрошувачки кредит на вашата сметка, додека уживате во топло кафе

Read more
 

Магазин

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе

Пет причини зошто треба почесто да јадете тиквички

Читај повеќе

5 причини зошто треба да го ограничите времето што децата го поминуваат пред екрани

Читај повеќе

Потрошувачки кредит на вашата сметка, додека уживате во топло кафе

Читај повеќе

Како е поврзано пиењето кафе со ракот на дебело црево?

Читај повеќе

Во кое време од денот е најдобро да имате секс, според возраста?

Читај повеќе