Кралицата Бијонсе сака да им помогне на младите жени да влезат „во формација“ и да изберат факултетско образование, преку основање на стипендија за амбициозни, креативни жени.
Пејачката соопшти дека ја одбележува годишнинаа од објавувањето на нејзиниот моќен визуелен албум Lemonade со основање на програма за стипендија Formation за учебната 2017/2018 година, со која се надева дека „ќе ги поттикне и охрабри младите жени кои не се плашат да размислуваат надвор од конвенционалните рамки, кои се смели, креативни, самосвесни и самоуверени“.
Стипендијата Formation ќе ја добијат четири студентки (идни, актуелни или апсолвенти) на следните универзитети: Berklee College of Music, Howard University, Parsons School of Design и Spelman College.
Секоја од овие образовни институции ќе има можност да ја понуди стипендијата на една амбициозна млада жена која студира или сака да студира на следните програми: креативни уметности, музика, литература или Афро-американски студии.