Милијардерот и филантроп, Бил Гејтс донираше милијарда долари од својот фонд Breakthrough Energy Ventures за да инвестира во нови облици на чиста енергија, пишува Forbes.
Гејтс собра околу 20 истомисленици инвеститори, за да ја обезбеди инвестицијата за развој на нови технологии во полето на чиста енергија чија цел е борбата против глобалното затоплување.
Спроед проценките на Forbes и на Bloomberg, фондот со Гејтс на чело вреди околу 170 милијарди долари.
BEV ќе финансира нови проекти кои можат да создадат економски одржливи енергетски извори, без емисија на штетни гасови, соопшти фондацијата. Инвестициите ќе бидат во доменот на зелената енергија во повеќе сектори, меѓу кои се сообраќајот, производството на електрична енергија, фабричките активности, градежништвото и земјоделството.
„Ќе бидеме отворени за се што ќе овозможи производство на евтина и чиста енергија“ - изјави Гејтс.
На крајот на 2015 година, администрацијата на претседателот Барак Обама го најави формирањето на ваков фонд, на чело со Гејтс, чија задача ќе биде да претставува еден вид мост за новите компании во секторот на зелената енергија, истражувањата и енергетскиот пазар.
