Бил Гејтс призна дека било огромна грешка што се дружел со осудениот педофил Џефри Епстин и откри дека заедно отишле на вечера неколкупати.
Во интервју за CNN, Гејтс исто така призна дека бил многу тажен по разводот од сопругата Мелинда, а една од главните причини за разводот била неговата поврзаност со Епстин.
Пријателскиот однос помеѓу Гејтс и Епстин датира од 2011 година, кога Епстин донирал средства во Фондацијата Гејтс и Џеј Пи Морган, но поради тоа, Гејтс жестоко се скарал со својата сопруга. Мелинда беше бесна на неговата поврзаност со педофилот и рече дека не сака да има никаква поврзаност со тоа. Таа ангажираше адвокати за развод во 2019 година, кога средбите на Гејтс со Епстин излегоа во јавност.
Гејтс неколку пати го посети Епстин во неговата куќа, па дури и разговараше со него за неговиот брак, кога Епстин го советуваше да се разведе. Гејтс за CNN рече дека и тој бил загрижен за Епстин, кој се изјасни за виновен и беше осуден во 2008 година за подведување малолетнички на проституција, години пред Гејтс да го сретне.
Гејтс сакаше да добие големи пари од Епстин
„Бев со него на неколку вечери со надеж дека ќе обезбеди милиони за филантропска организација поврзана со глобалното здравје преку неговите контакти. Кога видов дека ништо од ова нема да се случи, нашето дружење заврши. Беше голема грешка што го поминав времето со него и му дадов значење. Имаше и други во слична ситуација, но јас згрешив“, нагласи Гејтс.
Неговиот портпарол рече дека Гејтс немал апсолутно никаква деловна врска или пријателство со Епстин и дека нивните состаноци биле исклучиво поврзани со филантропија. Презентерот на CNN го праша Гејтс дали жали за неодамнешните објави дека се однесувал недолично со вработените, но Гејтс не одговори конкретно.
„Сигурно на сите им е жал, но време е да размислат и во овој момент морам да продолжам напред. Мојата работа е многу важна за мене, и како семејство ќе зацелуваме најдобро што можеме и ќе научиме нешто од овие настани“, заклучи Гејтс.
