Гостувајќи на националната американска телевизија CBS News, основачот на Microsoft, Бил Гејтс изјави дека една доза од новата вакцина против COVID-19 нема да биде доволна.
Тој смета дека ќе бидат потребни повеќе дози во борбата против оваа болест, велејќи дека на возрасните најверојатно ќе им бидат потребни три дози.
Во интервјуто тој рече дека е потребно да се вложи дополнителен напор на глобално ниво во борбата против вирусот и пронаоѓањето на безбедна вакцина.
„Во моментов изгледа дека ниту една од вакцините во изработка не се доволни да го заштитат човекот во единечна доза. Можеби вакцините што ќе бидат направени подоцна ќе нè изненадат позитивно. Но, засега, како што стојат работите, можеби повозрасните ќе треба да примат повеќе од две дози“, вели тој во интервјуто.