Живот

Бил Гејтс: Интелигенцијата не е толку важна како што мислев во младоста

1. март 2017 - 14:58 | А.С.

Основачот на Microsoft, Бил Гејтс, рече дека кога би можел би се посоветувал себе си во младоста дека „да се биде паметен“ не е задолжително најважното нешто во животот.

Милијардерот кој се отпишал од факултет за да го создаде софтверот Windows што направи револуција во ИТ светот, рече дека интелигенцијата не е толку „еднодимензионална“ како што сметал порано.

Најбогатиот човек во светот го кажа ова во сесијата „Прашај ме што било“ на Reddit.

„Би си објаснил дека интелигенцијата не е толку еднодимензионална и не е толку важна колку што мислев тогаш“, рече тој како одговор на прашањето каков совет би му дал на 15-годишниот Бил Гејтс.

„Би си рекол истражи ги земјите во развој пред да наполниш 40 години. Не бев нешто особено друштвен тогаш и не сум сигурен дека со совет тоа би се сменило, можеби едноставно требаше да бидам чуден и да пораснам“.

Коментирај