Основачот на Microsoft, Бил Гејтс, предупреди дека вакцината против коронавирусот може да не биде многу ефикасна како бариера за ширење на инфекцијата.
Во интервју за CNN тој го објасни својот песимизам на следниов начин: „Кога развиваат вакцина истражувачите се водат од две карактеристики – превенција на болеста со вакцинацијата и спречување на пренесување на инфекцијата врз други“.
– Нема гаранција дека вакцината ќе биде идеално средство за блокирање против пренесувањето на инфекцијата, додаде тој.
Истовремено, основачот на Microsoft ја пофали ефикасноста на имунолошкиот одговор на организмот на болеста. Според него, развиениот имунитет штити од ризик од повторна инфекција најмалку една година.
Бил Гејтс ја поддржа прогнозата на главниот американски експерт за заразни болести, Ентони Фаучи, кој предвиде дека вакцината против коронавирусот ќе биде готова кон крајот на 2020 или на почетокот на 2021 година.