Свет

Бил Гејтс повторно стана најбогат човек во светот

17. ноември 2019 - 9:29 | Б.С.Б.

Бил Гејтс повторно е најбогатиот човек во светот, по две години тој за првпат се најде на врвот на листата најбогати луѓе со што го надмина Џеф Безос, пишува Bloomberg.

На Гејтс многу му помогна и одлуката на Пентагон, откриена на 25 октомври, дека договорот со Microsoft е вреден дури 10 милијарди долари. Деталите за договорот не се достапни за јавноста.

Од објавувањето на овој податок, акциите на Microsoft пораснаа за 4 проценти, штo значи дека моменталното богатство на Гејтс изнесува 110 милијарди долари.

Од друга страна, акциите на Amazon се намалија околу 2 проценти од склопувањето на договорот, така што вкупното богатство на Безос моментално изнесува 108,7 милијарди долари.

Најбогатиот човек во Европа, Бернард Арно, е на третото место со 102,7 милијарди долари.

Индексот кој го следи богатството на 500-те најбогати луѓе секој ден се ажурира, откако се пресметува прометот на берзите.

Коментирај