Бил Козби е прогласен одговорен за сексуална злоупотреба на Џуди Хат, поротата пресуди дека тој треба да ѝ плати 500.000 долари.
Станува збор за сексуален напад што се случил во 1975 година, кога Џуди имала 16 година и била гостинка во Playboy вилата. Поротата пресуди дека Козби „намерно предизвикал штетен сексуален контакт“ со Хат, за која знаел дека има помалку од 18 години, а тоа однесување било мотивирано од „неприроден или абнормален сексуален интерес за малолетничка“.
Хат на судењето изјави дека таа и нејзината пријателка го сретнале Козби во парк и дека подоцна актерот ги однел на Playboy имотот. Козби во тоа време имал 37 години и ја принудил на секс без нејзина согласност. Актерот го негираше тоа.
Портпаролот на Козби, Ендру Вајат, ја прогласи пресудата како „победа“ мислејќи притоа на барањето на адвокатата на Хат за отштета од 8 милиони долари.
Адвокатката Глорија Алерд им се заблагодари на поротниците на пресудата, а својата клиентка ја пофали за нејзината храброст и жртвите кои ги поднела за да победи во овој случај.
Хат покрена постапка против Козби пред помалку од еден месец. Одлуката е донесена скоро по една година откако Козби беше пуштен од затвор, отслужувајќи 2 години казна затоа што ја дрогирал и сексуално искористувал Андреа Констанд.