Поранешниот шеф на операции и технички директор на Ферари, Матиа Биното, ќе биде прв човек на Ауди, потврдија од германската компанија.
Дополнително, тимот на Ауди потврди дека поранешните членови на управниот одбор - Андреас Зајдл и Оливер Хофман - ќе го напуштат проектот.
Сите овие промени доаѓаат како резултат на желбата на Ауди да ги подигне подготовките за влез во Формула 1 на повисоко ниво.
Германскиот производител мора да преземе поголема контрола над оваа операција и да ја подобри инфраструктурата за да го направи влезот успешен.
Биното застана на чело на Ферари во 2019 година, во чии редови пристигна во 1995 година, за да напредува во хиерархијата низ годините. Тој беше и технички директор на италијанскиот тим. Од Ферари си замина на почетокот на 2023 година.
Биното официјално со работа во Ауди ќе започне наредниот месец.
