Американскиот постапокалиптичен филм на режисерката Сузан Биер „Bird Box" со Сандра Булок во главната улога ја освои публиката ширум светот.
Филмот на платформата Netflix e достапен седум дена и веќе е прегледан повеќе од 45 милиони пати, што е најмногу во историјата на Netflix.
Филмот „Bird Box“ премиерно беше прикажан на 21 декември и неговиот огромен планетарен успех во голема мера се должи на социјалните мрежи каде корисниците објавуваат драматични сцени од филмот.
Филмот е снимен по сценарио на Ерик Хајсер, напишано според романот на Џош Малерман. Приказната го следи општиот хаос што ќе настане на Земјата откако на планетата ќе стигнат невидливи суштества кои ако ги погледнете ве тераат на самоубиство.
На нив единствено се имуни лудаците кои стануваат некаков вид слуги на „злите духови“.
Единствен начин за спас е превез преку очите и тапкање во мракот, што е огромен предизвик за Малори Хејс, ликот на Булок, која со две деца се обидува да стигне до безбеден камп.
Покрај Булок, во филмот играат и Сара Полсон, Џон Малкович, Тревант Роудс и даниел Мекдоналд.