Во колачите често можете да најдете комбинација од банана, бисквити и чоколадо, а рецептот кој го носиме денес е идеален за сите прилики, а притоа не бара многу труд за подготовка.
На профилот little.kiitchen на Instagram најдовме рецепт за торта со бисквити и банани - едноставно благо со совршена кремаста текстура и богат вкус.
Потребни состојки:
- 600 гр мелени бисквити
- 130 гр путер
- 135 мл млеко
- 4 лажици шеќер во прав
- 5 лажици кисела павлака
- 2 банани
- 350 мл шлаг
- 150 гр темно чоколадо
Подготовка:
Бисквитите сом,елете ги и половина (300 грама) измешајте ги со путерот и млекото, па добиената смеса намачкајте ја на дното од калапот. Останатата половина бисквити, шеќерот, павлаката и сечканите банани измешајте ги, па додадете 200 мл од шлагот и соединете.
Премачкајте ја кората и ставете во фрижидер да се лади најмалку 4 часа. Остатокот од шлагот загрејте го додека не зоврие, па додадете го чоколадото и мешајте додека не се растопи. Колачот прелијте го со чоколадо и вратете го во фрижидер да се стегне.
