Првата пречка на патот на отоманската инвазија на Европа била Косовската битка од 1389 година помеѓу балканската армија предводена од Србија и отоманските трупи на султанот Мурад I.
Оваа битка е толку епска што заслужува многу поголемо место во историјата. Водачите на двете армии биле убиени, а братски еден крај друг против неканетиот гостин се бореле Срби, Хрвати, Албанци, Босанци и други.
Одбраната на Балканот ја предводел српскиот принц Лазар Хребељановиќ, босанскиот крал Твртко I испратил своја војска, хрватскиот бан Иван Палижна исто така имал своја војска, како и албанските аристократи Димитер Јонима, Теодор Музака и Андреа Гропа. Историските податоци велат дека и други балкански народи учествувале во српската војска, а помош стигнала дури и од Унгарија.
Битката се одвивала на 15 јуни на Косовско Поле, околу 5 километри северозападно од Приштина.
Она што е интересно за оваа битка е тоа што не се знае кој победил од проста причина што двете војски толку многу се испотепале, што буквално двете си заминале како поразени. Отоманската војска била побројна, од 30 до 40 илјадна, додека балканската војска броела најмногу 25 илјади.
Прво српскиот витез Милош Обилиќ го убил султанот Мурад I за веднаш потоа да биде убиен од неговото обезбедување. На бојното поле загинал и српскиот принц Лазар Хребељановиќ.
