Во светот на секои 100 женски деца се раѓаат 105 машки. Со оглед на тоа дека стапката на смртност е поголема кај машките, отколку кај женските деца, до пубертет бројките обично се изедначуваат.
Меѓутоа, во Кина, поради политиката на едно дете е нарушен природниот однос. Многу мајки, сакајќи да имаат син ги абортираат женските фетуси, па така во 2010 година на секои 100 женски деца се родиле 119 машки. Според демографските проценки, во Кина денес има недостиг од над 60 милиони жени.
Поради повисокиот број на жени од мажи во Кина, расте бизарниот тренд на плаќање за невеста, а цените се движат кон астрономски, објави „Economist“.
Кина е патријархална држава, што знали дека откако ќе се омажат, девојките одат да живеат со сопругот и најчесто се грижат за неговите родители.
Во источната провинција Шандонг што се наоѓа меѓу метрополите Пекинг и Шангај, односот меѓу женските и машките деца на почетокот на деценијата изнесуваше 100 спроти 123.
Локалните девојки се познати по нивната убавина и висина, па често заминуваат да бараат работа или љубов во поголемите градови. Поради тоа, цените за невеста во оваа провинција се премногу високи за просечниот кинески стандард.
Цената за земање невеста во Шандонг пред 10 години изнесуваше 2.000 до 3.000 јуани.
Денес се движи од 200.000 до 300.000 јуани, а неретко за невеста се плаќаат и 500.000 јуани, што е околу 64.000 евра. Колку за споредба, просечната годишна плата во провинцијата е околу 50.000 јуани.
За разлика од земјите во кои се плаќа мираз, во Кина се развива бизнис за плаќање на невестата, а од младоженецот се очекува да ја плати и свадбата и да даде големи подароци на семејството на невестата.
Бројките се слични и во останатите провинции. Поради тоа во Кина нема немажени млади жени, а и вдовиците лесно се премажуваат. За разлика од нив, мажите на 25 години се „стари ергени“.
Најверојатно, брачната криза во Кина ќе потрае неколку децении, а потоа ќе се реши сама од себе.