Посетата на ресторан подразбира избирање на место кое покрај добра услуга има и пријатна атмосфера. Тишината и празните маси не се привлечен амбиент за посетителите на угостителските објекти.
Со оглед на социјалното дистанцирање, многу ресторани во иднина ќе изгледаат поинаку отколку што сме навикнати.
Меѓутоа, некои ресторани имаат решение како да го потполнат празниот простор. Некои се интересни и корисни, други се сосема бизарни. Ваков пример е и еден ресторан во Австралија кој направи луѓе од картон.
Во овој објект нема да има празно место бидејќи некои маси се пополнети со луѓе од картон, па дури се ставени и пијалаци и чинии пред нив.
Угостителските објекти се отворени во Австралија од минатиот петок, но дозволено им е да примаат само 10 луѓе.
