Филм & ТВ

„Black Panther“ заработи повеќе од милијарда долари на светскиот боксофис

12. март 2018 - 14:51 | К.З.

За неполн месец од светската премиера, „Black Panther“ веќе успеа да заработи една милијарда долари, без притоа ниту еднаш да биде симнат од првото место на боксофисот.

И оваа недела, како апсолутен првак на светскиот боксофис се покажа филмот на студиото Marvel, кој успеа да се издигне над силната конкуренција и уште еднаш да заработи повеќе од сите филмови за време на викендот.

Иако овој викенд „Black Panther“ доби поголема конкуренција од претходните неколку недели во филмовите „A Wrinkle in Time“ и „Strangers: Prey at Night“, сепак заработи завидни 41 милион американски долари и повторно се најде на врвот на боксофисот.

Веројатно најголемото разочарување викендов го приреди новиот филм на Шарлиз Терон и Дејвид Ојелово, „Gringo“, кој не успеа да заработи ниту 3 милиони долари во првиот викенд од прикажување и не се пласираше во топ 10 филмовите со најголема заработка.

Целосната листа на филмови со најголема заработка за минатиот викенд изгледа вака:

  1. Black Panther – 41,1 милиони долари
  2. A Wrinkle in Time – 33,3 милиони
  3. Strangers: Prey at Night – 10,4 милиони
  4. Red Sparrow – 8,1 милиони
  5. Game Night – 7,9 милиони
  6. Peter Rabbit – 6,8 милиони
  7. Death Wish – 6,6 милиони
  8. The Hurricane Heist – 3,1 милиони
  9. Annihilation – 3,1 милиони
  10. Jumanji: Welcome to the Jungle – 2,7 милиони

Коментирај