Фудбалерите на актуелниот италијански шампион непријатно ги изненади своите навивачи претрпувајќи срамен пораз на домашен терен од Беневенто.
Само четврти пат во истотријата на Серија А се сретнаа овие два тима, а популарните „Вештерки“ ја забележаа првата историска победа над „Старата дама“.
Јувентус немаше решение до мрежата од голот на Лоренцо Монтипо и покрај тоа што 9 пати успеа да упати удар во рамките на голот.
Голот кој го реши победникот беше постигнат во 69-тата минути кога Аргентинецот Адолфо Гајч го совлада Војчех Шченсни на изненадување на сите. Голот падна кога Артур промаши едно додавање, Гајч ја зеде топката и биеше неодбранливо.
Јуве со Роналдо, Дибала, Кјеза и Кулушевски во тимот не успеа ниту да израмни, па го претрпе можеби еден од топ 5 најсрамните порази во историјата.
За тимот на Филипо Инѕаги ова е дефинитивно најголем успех откако е во Серија А, а ова е само втора сезона на клубот во Калчото.
Јувентус по 28 кола е на делба на 3. место со Аталанта со 55 бодови, 10 помалку од лидерот Интер, додека Беневенто го дели 14. место со Фиорентина и Специја.