Угледниот швајцарски Blick објави дека најдобриот тенисер во светот Новак Ѓоковиќ размислува да го пропушти најголемиот тениски турнир во светот - Вимблдон.
Ѓоковиќ во неколку наврати истакнуваше дека спортот и политиката не треба да се мешаат, а ги поддржа руските и белоруските тенисери кои нема да можат да настапат на претстојниот Вимблдон поради агресијата на нивните земји кон Украина.
Но, Ѓоковиќ би можел да оди чекор понатаму. Имено, Blick пренесува дека Ѓоковиќ размислува за бојкот на „Светското првенство во тенис“ бидејќи на него нема да учествуваат Руси и Белоруси.
Тоа би бил уште еден огромен удар за Ѓоковиќ, кој веќе го пропушти Австралија Опен. Тоа би значело дека тој нема да може да ги брани поените од двата Грен слем турнири што ги освои минатата сезона.
Blick контактирал и со поранешниот тренер на Новак, Никола Пилиќ, кој исто така верува дека Ѓоковиќ би можел да го пропушти Вимблдон.
„Сите тенисери треба да заземат став. Ако тие не играат, нема да играме ниту ние. Би било интересно да се види како ќе реагираат организаторите на Вимблдон“, изјави Пилиќ.
Без разлика дали пишувањето на Blick би се покажало како точно, таквиот исход би бил невиден удар за Ѓоковиќ, удар за кој самиот би се одлучил.
Проблем со бојкот дефинитивно нема да има Ролан Гарос кој им дозволи настап на руските и белоруските тенисери.