Како што стојат работите, Брегзит ќе влијае на полето на многу повеќе индустрии отколку што очекуваше државниот врв на Велика Британија. Автомобилскиот гигант BMW размислува да го премести производниот погон во Австрија, токму поради Брегзит.
BMW би можел да го премести производниот погон за мотори за нивните автомобили од Велика Британија во Австрија, во случај да се случи неконтролиран Брегзит.
Според членот на управниот одбор на германската компанија, Питер Шварценбауер, изјави дека опцијата за промена на локацијата на фабриката е нешто на кое сериозно се размислува во BMW.
„Имаме одредена флексибилност кога се работи за производство на моторите во Австрија. Во случај на селење, би требало да извршиме неколку прилагодувања, но спремни сме да работиме на тоа“, рече Шварценбауер на Саемот на автомобили во Женева.
Тој додаде дека засега нема конечна одлука дали фабриката ќе остане во Англија или пак ќе биде преместена во Австрија, но таа опција ќе биде разгледана во случај на неконтролоран Брегзит.
