Две години по редизајнот на Series 3, BMW ги освежи и сите три модели на Series 4. фамилијата на „четворката“ е составена од Coupe, Cabriolet и Gran Coupe, а доживеа помали стилски промени на надворешнсота и во патничката кабина.
Покрај тоа Series 4 е унапредена и на механички план, со воведувањето на некои нови и модернизација на дел од старите компоненти и опрема.
Со редизајнот се опфатени новите LED светла, предните светла за магла, како и задните светлосни групи кои го задржаа истиот облик, но со различна графика на елементите.
Модификувани се и отворите за воздух на предниот браник, а понудата на бои за каросеријата е проширена со две нови нијанси. Нов е и дизајнот на 18 и 19 инчните алу фелни.
Промените во внатрешноста се дискретни и се однесуваат на нов волан и ураксните детали на кокпитот, додека купувачите располагаат со нови дезени на материјалите.
Подобрени се мултимедијалниот систем и контролниот тач пад на централната конзола. BMW исто така понуди и опционален мултифункционален екран место конвенционалните аналогни инструмени, а купувачите имаат неколку верзии за визуелизација.
Германската компанија тврди дека моделите Coupe и Gran Coupe сега имаат поспортско возење иако тоа не ја загрозува удобноста на патниците.
Со оглед на тоа дека моторите на Series 4 се освежени во јуни 2016, BMW овој пат не воведе нови погонски единици. Купувачите ќе можат да бираат меѓу четири цилиндарските и шест цилиндарските бензински и дизелски мотори, чиј распон се движи од 150 па се до 326 коњски сили кај моделот BMW 440i. Достапен е и xDrive погонот на сите четири тркала.
Освежени се и најсилните верзии, M4 Coupe и M4 Cabriolet. Двата модели сега се стандардно опремени со адаптивни LED светла, унапредени LED стоп светла, со мали стилски интервенции во внатрешноста.
Цените засега не се достапни, а претпоставките се дека нема мнгоу да се менуваат во однос на актуелната верзија на Series 4.