Њујорк, 5 април 2018 (МИА) – Автомобилските компании BMW, Mercedes и Tesla се најголеми потенцијални губитници на најавеното воведување повисоки кинески царини на увоз на автомобили од САД, соопштија аналитичарите на истражувачката компанија „Sanford C. Bernstein“.
BMW годишно од САД во Кина извезува 89.000 возила, Mercedes испорачува 65.000 возила, а автомобилската компанија Tesla продава околу 14.000 возила, информираа од истражувачката компанија.
Доколку најавените мерки на Пекинг стапат во сила, кинеските царини на увоз на автомобили од САД ќе пораснат на 50, од вообичаените 25 отсто.
Седиштето на BMW е во Минхен, но е најголем американски извозник на автомобили поради големата испорака на возила од својата фабрика во Јужна Каролина.
Седиштето на Daimler Mercedes е во Штуттгарт, а Mercedes произведува во американската сојузна држава Алабама.