Германскиот автомобилски гигант BMW ќе ја претстави новата генерација на моделот Series 3 на октомврискиот саем за автомобили во Париз, а пред да го претстави автомобилот, реши да открие неколку детали за него.
Уредно камуфлираната Series 3 2019 ги поминува последните километри од тестирањето, а од BMW се уверени дека со овој модел имаат нов хит во најава.
Во однос на актуелната шестта генерација на моделот, новата Series 3 „ослабна“ многу, околу 50 килограми (можеби нешто помалку, во зависност од вградената опрема), а овојпат ултралесните 18-инчни бандажи се дел од опционалната опрема. Новата генерација има и 10 милиметри пониско тежиште а распределбата на тежината по осовините е во размер 50:50.
BMW за G20 (најголемите 20 држави во светот) го подготви најмоќниот четирицилиндричен турбобензински мотор кој досега се вградуваше во Series 3 (неофицијално околу 260 коњски сили), а од баварскиот автомобилски гигант ветуваат дека новиот мотор во однос на најмоќната верзија на моторот од минатата генерација ќе биде 5% повеќе штедлив, а заслугите за тоа одат кај унапредениот 8-степенски автоматски Steptronic менувач.
Во наредните месеци од Минхен очекуваме и фотографии на кои ќе може да се види внатрешноста на новата Series 3 чии главни конкуренти доаѓаат од Mercedes (C-Class), Audi (A4), Jaguar (XE) и Alfa Romeo (Giulia), а нејзиното најмоќно издание (M3) би требало да биде готово кон крајот на наредната или почетокот на 2020 година.
