BMW објави фотографии и спецификации од концептот кој го најавува следниот голем продукциски SUV на баварската компанија.
BMW го претстави првиот Х5 уште во 1999 година, по што SUV гамата ја надополни со уште неколку модели од X семејството. Речиси две децении подоцна, BMW го покажа X7 Performance Concept - својата визија за големиот SUV модел, а сериското производство се очекува веќе во 2018 година.
Општиот впечаток е дека екстериерот е прилично „американизиран”, што не е за чудење, посебно кога се знае дека BMW предвидува дека најдобро ќе се продава токму во САД.
Кабината изобилува со футуристички детали и голем панорамски стаклен кров. BMW X7 iPerformance Concept има 6 оддвоени седишта во 3 реда, додека во продукциската верзија се очекува конфигурација 5+2.
BMW X7 iPerformance Concept ќе ја има светската премиера на автомобилскиот саем во Франкфурт, кој за претставниците на медиумите почнува на 12-ти септември, а вратите на саемот ќе бидат отворени за посетителите од 14-ти септември.