Новиот албум на Боб Дилан насловен „Triplicate“ содржи обработки на американските стандарди од 30-тите, 40-тите и 50-тите години на 20. век, но нобеловецот вели дека тоа не значи дека копнее по минатото.
Дилан тврди дека не е загрижен дали на обожавателите ќе им се допадне неговиот најнов албум, трет во три години, на кој ќе се најдат негови верзии на класични песни како "Stormy Weather", "As Time Goes By" и "Stardust".
„Ова не е носталгично патување во минатото или копнеж и желба за старите добри спомени на нешто што веќе не постои“, рече Дилан.
Тројниот албум "Triplicate" ќе биде објавен на 31 март.