Популарниот бодибилдер Џексон Типет во искрено интервју проговори за тоа како употребата на стероиди влијаела на неговиот живот.
Во 2017 година во Австралија бил фатен со над 250 таблети стероиди и шишенце тестостерон, како и инјекција и игла во долната облека. Полицијата тогаш го казнила 23-годишниот Џексон со 4.000 долари, а на Instagram одлучил да го искористи инцидентот како прилика да го насочи својот живот на подобро.
Во емисијата Good Humans Типет објасни дека по две години користење стероиди почнал да забележува загрижувачки промени на неговото тело.
„Црниот дроб и бубрезите лошо ми функционираа. Бев уморен и жолт во лицето. Урината ми беше многу темна, скоро портокалова. Не можев да постигнам ерекција и полека почнав да се дебелеам и доживувам ментални проблеми“, призна тој.
Поради зависноста останал без девојката, а за малку и без семејството. Сега активно ја споделува неговата приказна со надеж дека ќе ги инспирира другите кои се во слична ситуација.
„Не сакав да одам во затвор, не сакав да бидам зависник од стероиди. Се извлеков, но го допрев дното. Се надевам дека мојата приказна ќе биде поучна за другите. Tемелно истражив и го проучив моето искуство за користење стероиди, начините на кои го надминав тоа. Нудам совети на оние кои сакаат да се извлечат“, порача тој.