Boeing ќе го смени името на авионите од типот 737 MAX поради ризици по својата репутација, изјави Крег Смит, финансиски директор на компанијата, во интервју за Bloomberg.
„Работиме на тоа да сториме сѐ што е потребно за да ја обновиме репутацијата, и ако треба ќе го смениме и брендот“, изјави тој.
Како што се укажува, раководството на компанијата се уште нема донесено конечна одлука да се откаже од зборот „MAX“ во името на авионите. Таквата одлука би била погазување на досегашната работа на компанијата која се стремеше зборовите „MAX“ и „Dreamliner“ да бидат симбол за препознатливост на брендот кај туристите.
Моментално летовите со Boeing 737 MAX се забранети откако два авиона од овој тип се урнаа во временски период од неколку месеци. Едниот авион се сруши лани во октомври во Индонезија, а другиот годинава во март во Етиопија, при што загинаа вкупно 346 луѓе.
Резултати од истрагата покажуваат дека постои сличност во причините за катастрофите. Boeing призна дека патничките авиони можеле да се урнат поради грешка во системот МКАС за помош на пилотите во управување со авионот. Компанијата подоцна објави дека започнала со обнова на компјутерска програмата за управување со Boeing 737 MAX.