По две фатални несреќи и приземјени авиони од моделот 737 Max 8 во флотите на авиокомпании ширум светпт, Boeing продолжува со производство на проблематичните авиони.
Секако, компанијата ќе продолжи да работи на овие авиони додека истовремено води детална истрага за откривање на проблемите што би можело да бидат причина за паѓањето на двата авиони 737 Max 8 во период од неколку месеци. Компанијата завчера соопшти дека донела одлука привремено да престане со испорака на авиони од овој модел.
Моделот 737 Max е најпродаван авион на компанијата и побарувачката за него уште е голема, и покрај двете фатални несреќи. Месечно се произведуваат 52 авиони 737 Max.
„Не сум изненаден од ваквиот потег. Би било огромен товар за Boeing да престане со производство на моделот 737 Max поради привремените приземјувања“, изјави Каи Вон Румор, авијациски аналитичар.
„Прекинот на производството би им наштетил и на производителите на компонентите кои ги користи Boeing. Особено сега, кога Boeing работи на подобрување на производството за да може што е можно побрзо да ги испорача нарачаните авиони“, додава тој.
Вкупно 50 земји наредија приземјување на контроверзните авиони 737 MAX 8: Австралија, Австрија, Белгија, Бугарија, Бермуда, Канада, Кина, Хрватска, Кипар, Чешка, Данска, Египет, Естонија, Финска, Франција, Германија, Грција, Унгарија, Индија, Индонезија, Ирак, Ирска, Италија, Кувајт, Латвија, Либан, Литванија, Луксембург, Малезија, Малта, Мексико, Монголија, Холандија, Нов Зеланд, Оман, Панама, Полска, Португалија, Романија, Сингапур, Словачка, Словенија, Шпанија, Шведска, Швајцарија, Тајланд, Турција, ОАЕ, Велика Британија и САД.
