Аргентинската фудбалска ѕвезда Лео Меси ги замоли гостите на неговата свадба со долгогодишната девојка Антонела да не носат подароци, туку да донираат пари во хуманитарни цели преку неговата добротворна организација.
Меѓутоа, гостите го разочараа бидејќи од вкупно 260 присутни на свадбената прослава биле собрани само 9.562 евра, или околу 37 евра по човек.
Иако меѓу гостите имаше познати фудбалери и други славни личности, сите заедно не успеаја да соберат ни 10.000 евра.
Со оглед на тоа дека неговиот пријател и соиграч Жерар Пике вечерта на свадбата потрошил речиси 11.000 евра во казино, вкупната донирана сума звучи срамно.
На веста особено жестоко реагираше познатиот аргентински водител Алехандро Фантино кој во неговата емисија рече: „Богаташите се вистински стаорци. Можеле да фрлат нешто повеќе за децата на кои навистина им треба.“