Аргентинскиот гигант го врати Маркос Рохо во татковината ставајќи крај на неговата неславна авантура на Островот.
Дефанзивецот Маркос Рохо не е повеќе играч на Манчестер Јунајтед. Откако сезонава не одигра ниту минута, Оле Гунар Солскјер конечно се ослободи од непотребниот играч.
Во Бока Жуниорс доаѓа како слободен агент, каде се надева дека ќе си ја рестартира кариерата. Последните четири сезона Рохо речиси и да не играше, а минатата пролет ја мина како позајмен во Естудиантес каде настапи само еднаш. Се мачеше и со повреди, а и во моментов го мачи мускулна повреда.
Во 2014 Рохо пристигна во Мначестер како надежно засилување за 20 милиони евра од редовите на лисабонски Спортинг. Никогаш не ги оправда очекувањата иако на моменти имаше добри партии.
Со добри игра во дресот на гигантот од Буенос Аирес ќе се надева и на камбек во репрезентацијата на Аргентина за која има 61 настап и 3 голови.