Во Кривичниот суд денешното рочиште за случајот ,,Рекет” започна со презентирање на фотографии од социјалната мрежа Instagram како докази од страна на осомничениот Бојан Јовановски – Боки 13.
Тој напомена дека фотографиите од Instagram можат да се приложат како доказ затоа што на социјалните мрежи се регистрира датумот и времето кога е направена фотографијата.
Боки 13 истакна дека тие предмети што ги опишува се одземени од Обвинителството.
Прикажаните фотографии се направени во период од 2013 до 2019 година.
Осомничениот наведува каква облека, накит или чанта носи на предметната фотографија, како и од кој бренд се предметите и датумот кога е објавена фотографијата на социјалната мрежа Instagram.
Денешното рочиште ќе продолжи со приложување на докази од страна на осомничениот Јовановски.
Како што е предвидено, осомничената Катица Јанева на денешното рочиште треба да ги предложи нејзините сведоци.