„No Time to Die“, последниот Џејмс Бонд филм со Даниел Крег, се најде на врвот на бокс-офисот во Северна Америка, но не толку спектакуларно како што некои се надеваа.
Филмот не урна рекорди со заработката од 56 милиони долари, но тоа беше доволно за да се најде на врвот, пред „Venom: Let There Be Carnage“ кој заработи 32 милиони долари во вториот викенд од прикажувањето.
На глобално ниво, филмот заработи 313.3 милиони долари. Во текот на 60-годишната историја на филмовите за Џејмс Бонд, „No Time to Die“ е четвтриот со најдобра заработка на домашниот пазар.
И додека некои предвидуваа дека ќе заработи 80 милиони, па дури и 100 милиони во премиерното прикажување во САД и во Канада, сепак заработката од 56 милиони долари е солидна во време на пандемија.