По шест недели прикажување, „Spider-Man: No Way Home“ повторно се врати на врвот на боксофисот што е навистина реткост, пишува Variety.
Филмот немаше посебна конкуренција, го надмина „Scream“ и заработи 14,1 милион долари во САД и Канада изминатиот викенд.
Хорор филмот „Scream“ се најде на второто место со заработка од 12.4 милиони долари.
На третото место е „Sing 2“ со 5.7 милиони долари, додека премиерата на „Redeeming Love“ заработи 3.7 милиони долари.
Новиот филм за Спајдермен досега заработи 721 милион долари на домашниот бокс-офис, додека на светско ниво 1,69 милијарди долари со што се најде на шестото место на листата за филмови со најголема заработка, надминувајќи ги „Jurassic World“ (1,67 милијарди) и „The Lion King“ (1,66 милијарди).