Боксер од Зимбабве почина во понеделникот од последици на тежок нокаут и удар што го доби во главата по борбата во саботата. Многумина беа шокирани од реакцијата на судијата кој не ја прекина борбата на време.
Боксот доживеа нова трагедија која дефинитивно можеше да биде избегната судејќи по снимките кои се појавија на социјалните мрежи.
23-годишниот Зимунја примил неколку удари во главата пред да биде нокаутиран во третата рунда, а никој не може да објасни зошто судијата порано не ја прекина борбата бидејќи младиот боксер евидентно беше повреден, додека противникот продолжи со жестоки удари.
Ова е првпат боксер да почине во Зимбабве од повреди добиени во ринг, а главниот секретар на Националниот одбор за контрола на боксот и борењето во Зимбабве, Лоренс Зимбуџана изјави дека треба да се дефинираат плановите за истрага.
Според Одборот, почитувани се сите медицински протоколи и на боксерот му била дадена помош пред да биде префрлен во болница, но за него немало спас.